Vikas Singh

sharing words with this world :)

Archive for the category “LIB”

Antervedna

—-Jo antarvedna is samay sab k dil me h——
“Papa ab ghar aa jao…”
Shabd bante h , bikhrte h 
Is samay sab dhandhas ek dusre ko bandhaate h… 
Kyu nahi h mere apne mere pass,
Jo kehkar gaye the, 
‘beta! Main bus yu gaya or yu aya’…
Kyu h mera man unki yaad me udaas…
Jinke sath rahe h hum ab tak, 
Jinki adat h humko, 
Khabar nahi h unki ab kuch,
Kaise wapas laye unko….
Najane kuch khaya h ya nahi? 
Ya bus yuhi pareshaan h wo bhi,
“Papa jaldi ghar aa jao…” 
Bola tha maine, tab bhi, or ab bhi…

Mere school khulne wale h, 
Jaha aap roz chodne jate the… 
Ab nahi jaoge to mera mann na lagega,
“Aaj chodne nahi aye, Kaha h tumhare papa?” har koi yahi kahega… 
Or ye sab sunna mujhe achcha nahi lagega… 
“Papa jaldi ghar aa jao” 
Bola tha maine, tab bhi, 
            …or bol raha hu ab bhi.

—Vikas ‘smrit’ Singh

Bachapna Suhana ;)

Mujhe school jana achcha nahi lagta
Papa k kehne p uthna padta h
Mummy ki god me subah wo 10 min ki neend achchi lagti h
School jaye waqt, Ek paththar ko apne sath Thokar marte hue school le jana Achcha lagta h…
morning prayer me ek ankh khol kar dekhna achcha lagta h…
‘plesent mam’ bolne me maza ata h
English wali mam achchi lagti h
Recess me pakdam-pakdai khelna achcha lagta h
Andha-dhun bhagna achcha lagta h
Sara homework class k bahar baithkar karna achcha nahi lagta…
Par kya karu ghar pe chunnu or roshan k sath cricket or ‘I-spy’ khelne b to jana hota h…
Games period me ek dusre k upar girne me maza aata h…
or uske baad hahaha karke hasne me…
Bablu ko Bagal me gud-gudi karna achcha lagta h…
Madam jab achchi writing pe ★ deti h to achcha lagta h…
Or chantu-bantu ko baar-2 dikha kar chidana to or bhi achcha lagta h…
Diary me hamesha complaints par sign karwana achcha nahi lagta…    
School k 8th period k bad,
Chutti ki bell ka wait karna thoda lamba lagta h…
Or bell bajte hi jo race lagti h,
Mere or mere dosto me…
School ki boundary cross karne k baad,
‘Main first’ kehkar uchalna achcha lagta h 😀
Dhup me ghar jate hue brown wala churan khana achcha lagta h…
50 paise me aish ho jati h…
Ghar jakar mummy ka mujhse saare subject ki detail puchna achcha lagta h..
. Or mera Tote ki tarah, Tapar-2 unhe sab kuch batana achcha lagta h… 😀
Kapde change karke or khana khakar khelne jana mastam-mast lagta h…
Park me cricket khelte hue dhul me lot pot hona achcha lagta h….
Ghar jate waqt puri dhul saaf karne ki koshish hazaar karta hu lekin…
Ghar pe mummy se isi k liye dant khani padti h…
Hath pair dhokar Duck-tails or micky mouse dekhna achcha lagta h…
Papa k sath me baithkar khana khana achcha lagta h…
Ek Chota bite mera or ek bite papa ka…
Ek-2 karke is tarah khana achcha lagta h…
Mummy papa se bate karte hue..
Yuhi.. Unki god me sir rakhkar so jana achcha lagta h…
Or fir agli subah uthe to,  
‘main yahan kaise aa gya?’ puchna achcha lagta h…
Bus yuhi backpan ka ek or chat-pata din jeena achcha lagta h….    

….Yuhi bachpan ko kabhi-kabhar aiwe hi jee lena achcha lagta h…

  ——-Vikas ‘Smrit’ Singh.

Jab Tak Hai Jaan – My Version :)

Kabhi tere chehre ka noor tha main,

tere honto k kinaare ki muskaan tha main,

baanho me bharne k baad,

sukoon ki ek lambi, thandi saans tha main….

us khil-khilahat ko, us thandak ko nahi bhula paunga main,

jab tak h jaan, jab tak h jaan….

Aksar khushi se chalak jaane wala aansu tha main,

teri Palko me, tere dil me, basne wala khwaab tha main….

us dhadkan ko, un sabhi sapno ko apne pass rakhunga main,

jab tak h jaan, jab tak h jaan….

kabhi tere sir k neeche, hatho se bana takiya tha main,

tere galo pe ithlaati lat sa tha ,

jinhe haulle se tu apne kaan k peeche rok diya karti thi…

tujhe pareshan kar dene wali, un sabhi lato ki gustakhiyo ko yaad rakhunga main,

jab tak h jaan, jab tak h jaan….

Sardi k mausam ki garm chai ki chuski tha main.

Zindagi, bilkul gol-gappo ki chatni ki tarah khatti-meethi thi,.

us sard-garam ehsaas ko, un chatkhaariyo ko  nahi bhulunga main,

jab tak h jaan,jab tak h jaan….

Ab na jane kis duniya me h hum dono juda se…

 

 

Ab adhura sa ek kisaa h tu,

chalte-chalte yuhi yaad aane wali,

ek purani kahaani h tu…

tera beech raah me mera hath chodna,

fir palat k kabhi na dekhna, yaad rakhunga main…

jab tak h jaan, jab tak h jaan….

( I loved these lines in trailer)

 

Adhuri Kash-m-kash, ek koft h tu,

Bina matlab ki ek adat h tu…

yakinan  in adto se ubarne ki,

koshish karta rahunga main…

jab tak h jaan, jab tak h jaan…

Sayane dimag ki bebak nishani si h tu,

ladakpan ki masoom kahaani h tu…

Na in kahaniyo ko dohraunga,

or na hi in nishaniyo ko ab kisi ko dikhaunga main…

jab tak h jaan, jab tak h jaan….

 

ret se ghar banane ki, teri koshish tha main,

tere nakaam pyaar ki numaish ho gaya hu main….

In bekar koshish ka hissa ab dubara nahi banunga main,

jab tak h jaan, jab tak h jaan…..

Nafasat

Likhne baitha hu kuch yu hi ,

Chahta to kuch nagme likhta,

Likhne ko duniya me baithe h hazaro lekin,

Tujhe meri tarah se bayan kar payega nahi koi,

Isliye sochkar ye, tujhe main nafasat se tarashane baitha….

 

Kuch is qadar tera aks basa h in nigaho me,

K ab kuch or h hi nahi tere siwa in sanso me,

Peene ko to mayekhane khule h bahut Lekin

peene k liye tere nigaho k paimaane lekar baitha….

, tujhe main nafasat se tarashane baitha….

 

Zarurat se jyada hosh or behoshi k maine sile dekhe,

Hosh me tha to tujhe or behoshi me tha, to sirf or sirf tujhe hi dekha…

Yu to aksar hum bat-late the dujo k kisse-kahaniyo ko,

Lekin aaj apne hi quisse ko hazaro baar dohraate dekha….

, tujhe main nafasat se tarashane baitha….

 

Zameen pe khade hokar, chuaa tha asmaan us din,

Jis din tujhe maine apni baaho me achaanak simat te dekha…

Tujhse baate karni ki lat lagi aisi,

Apne quisso ko yu hi khud se maine bad-badaate dekha…

Tere saath baith kar muskuraane ki adaat ne mujhe,

Logo k beech bewajah hanste-hansaaate  dekha…

or aaj fir main, tujhe nafasat se tarashane baitha…

Tareef ;)

“———————Tareef——————–”

kaise bataau tujhe
ki tu kitni haseen h,

kaise samjhau is zamaane ko,
ki tu meri naaz-neen h.
rakhta hu jise apne lakht-e-zigar me,
aisi meri himmat tu, mehajabeen h..

kaise batau tujhe k tu…

us khuda ki mujh par
inayat si lagti h mujhe,
hifaazat karti h jo meri,
tu wo kuraan ki yaaseen h

kaise beyan karu k tu….

jise kisse-kahaniyo me tabdeel kar,
sunata hu main har roz,
kabhi khatam na hone wali,
tu meri ek aisi soch Zaheen h

kaise batau tujhe k tu…

jab ye shaame gaati h,
or suraj apne ghar jaata h,
chaand k aane k waqt, jo sama ban jaata h,
tu aisi shaam rangeen h….

kaise batau tujhe ki tu……

Ghalib, kabeer k lafzo me jo aj talak na beyan ho paye,
aisi rounak h tu
Musaa k ghumaan se jyada, jo mujhme ghumaan bhar jaaye
aisi meri ibaadat h tu

teri surat se nahi, mujhe teri seerat se pyaar h
is zarre-2 ki abo-hawa, ab tujhi se gulzaar h…

is kayenaat k pare jo duniya h,
likha h tera-mera milna wohi ik roz,
Aisa mera, meri lakeero pe,
andhaa yakeen h…

dil nosh farma denge kisi din
is jaha k saamne ye saabit karne k liye

K Tu bus…… bus behatareen h…..

🙂 🙂
[[
Ab isse aage rhythm ni banega,
or upar jitna likha,
usse logo ko lag raha,
mera mamla Sangeen h…

AB TO jab tu mil jayegi tab tujhe personally samjhaunga k ,
K TU KITNI HASEEN H 🙂 🙂 🙂 🙂

or ha..

mar raha hu har pal
ye baat johte-2,
k tu bhi aayegi kisi din or dil khol k batayegi,
k tujhe main kaisa lagta hu…. // or beyan karegi kuch lafzz mere baare me

……………….. bus teri taraf se aaj talak, ye mamla Gamgeen h…

otherwise, tu bahut hi haseen h re 🙂 🙂 ROFL.

(( i enjoyed writing this last paragraph very much ))

]]

“I performed it as a task, a poem that must do *Tareef* of something, someone ”
“It’s written in good Humor and just to have fun, No hard-feelings, what so ever “

Thank you 🙂 🙂

Post Navigation