Vikas Singh

sharing words with this world :)

Baarish, tum aisi kyu ho ?

Mere dabe hue ghaavo pe ek marham si ho tum,
Meri rookhi sookhi zindagi me ek khushgawaar ehsaas ka bulbula sa ho tum,
Kitno k ansu chupaaye h tumne,
Kitno k dil me umang bhari h,
Tujhse dosti aisi h k kisi ko koi shikwa-gila nahi h…
Tum aisi kyu ho barish…?

Jab mann vichlit hota h,
Teri thandi fuhaare kaise mann ko shaant kar deti h,
Jab mann vyakul hota h,
To kaise ye jo tum sath apne sameer ko lati ho,
Mann anandit kar deta h…
Jaise maa ne balo me se hath nikal kar kaha ho,
K sab theek ho jayega…
Tum mujhe itna sukun kyu deti ho barish…
tum aisi kyu ho barish…?

Kyu tum mujhe apni mitra si lagti ho…
Na jane kyu tumhare saikdo girti boondo ko niharne ka mann karta h..
kyu unke girne k shor pe naachne ka mann karta h….
Kyu unke mitti se milne k baad ane wali sondhi si khusbu se mere rom-2 khilta h…
Kyu itna khyal rakhti ho mera tum….
Kya rishta h tumhara mujhse…
Jo itna pyaar lutaati ho…
Tum aisi kyu ho baarish…?

Koyle bhi to gakar batati h k kitni khush h wo tumhare ane se…
Kuch jyada udne lagte h panchi tumhare ane k baad..
kuch or saaf sa ho jata h vayavaran…
Jaise mummy ka raza-beta naha dhokar, syahi dalwakar ho jata h… Kuch waise hi..
Beech-2 me tum jo thahake laga kar hans deti ho,
Dara deti ho aksar hume…
Itni saaf hansi jo h tumhari…
Andhere me bhi jo roshni kar de…
Mere mann k andhere ko dur karti rehti ho tum khil-khilakar us tarah….
Kyunki shayad tum aisi hi ho barish…
Sabka dhyaan rakhne wali…
sabko ek nayi umeed dene wali…
sabko apne-aap se milaane wali…
Dil me umange jagaane wali….

Baarish… Sirf tum !

Na ho tum to na ful khile na mann,
Tere bin suna ye mann-upwan.
Na ane se tere na pake fal,
Na mile ye jal…
Kitni zaruri ho jeene k liye mere,
Tum ye janti ho na baarish,
Isiliye hi to tum ati rehti ho milne mujhse samay-2 par puchne…
Tum kaise ho dost…?

Advertisements

Single Post Navigation

Leave a comment/feedback to make it better ;)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: